oli.education.lu e-Learning Platform News

Status-Updates vu Virtuelle Klasse sinn elo direkt an dengem perséinleche Newsfeed ze gesinn - inklusive Blog Posts, Text-Updates, Fortschrëtter bei Aufgaben, a villes méi.

Schüler an Enseignante kënne fräi décidéieren, wéi eng vun hire Klasse se verfollegen wëllen, a si kënne souguer décidéieren wéi eng Klassen-Apps Updates an hirem eegene Newsfeed poste kënnen. Enseignante kënnen och spezifesch Apps deaktivéieren fir d'Verëffentlechung vu Posts an de Feeds vun hire Schüler ze vermeiden.

Weider Verbesserunge sinn ënner anerem en neie "read-only" Klassen-Typ, deen et nëmmen Enseignanten erlaabt Contenu ze kreéieren, während d'Schüler nëmmen de Klasse-Blog an d'Websäit kënne liesen, wéi och e verbesserte Blog-Upload-Tool deen en direkt Eroplueden a scho benotzten Dossiers erlaabt.

Vill Spaass mam Update!

Eng Equipe vum Oli

Haut hu mir eis nei Zoufallsgenerator-Web-App publizéiert, déi et Schüler an Enseignanten erlaabt zoufälleg Lëschten ze generéieren mat ...

- Zuelen (béid ganz Zuelen oder Dezimalzuelen),
- Buchstawen (A-Z),
- Passwierder (8 Zeechen),
- Würfelen (1-6, a verschiddene Faarwen),
- Spillkaarten, souwéi
- Schüler aus hiren eegene Virtuelle Klassen.

Resultater kënnen entweder um Bildschierm ugewisen oder als PDF Dateie gedréckt ginn.

De Zoufallsgenerator ass an der Klassebuch-Web-App vun der Virtueller Klass disponibel, wou en déi vireg Funktioun fir zoufälleg Schülerlëschten ze generéieren ersetzt.

Vill Spaass mat der neier App!
Deng Equipe vum Oli

Den Texteditor vun der Virtueller Klass analyséiert elo Schülertexter, weist hëllefräich Statistiken un an ënnerstëtzt d'Schüler bei der Verbesserung vum Inhalt vun hiren Texter. Ausserdeem gëtt den integréierte Spellchecker elo direkt an enger Editor-Fenster ugewisen, sou datt Feeler dann och direkt korrigéiert kënne ginn.

Textupdates ginn elo am Newsfeed vun der Virtueller Klass gesammelt, a béid de Numm vum Auteur an de Numm vum Klasse-Computer (falls verfügbar) wou den Text erstallt ginn ass, kënnen ugewise ginn. Mat engem Klick op en Titel am Newsfeed geet den Text direkt am Texteditor op.

D'Rechestäbercher App bitt elo en neie Modus deen et erlaabt d'Zesummesetzung vun den Zuelen am Raum vu 5 bis 20 ze üben (10 = 1 + 9, 10 = 2 + 8, ...). Et kann een dës nei Méiglechkeet souwuel als Online-Trainer wéi och als Aarbechtsblat-Generator benotzen. Op Aarbechtsblieder gi Rechestäbercher och nach méi kloer ugewisen andeems d'Faarf vun de Punkte méi hell ass.

Vill Spaass mam Update!
Deng Equipe vum Oli

D'Virtuell Klass gouf komplett iwwerschafft, mat engem neie Tab-baséierte User-Interface fir all Apps, souwéi engem Live-Klasse-Feed um Dashboard.

D'Websäit-Tools vun der Virtueller Klass goufe komplett nei designed, all Säite vun der Klassen-Homepage sinn elo komplett personaliséierbar, an du kanns elo Blog Messagen direkt op der Preview-Säit vun dengem Site schreiwen an änneren. Fir all Blog-Noriicht kanns de entscheeden ob en op der Klassen-Homepage, op denger Schoul-Websäit, oder op béiden ugewise soll ginn.

All Learning Management System (LMS) Applikatioune bidden elo en Tab-baséierte User-Interface, an d'Wocheplang-App bitt och e neie Vollbild-Modus. All Screens sinn opgeraumt ginn fir méi e séieren Zougrëff op déi wichtegst Tools a Features ze garantéieren. De Media Manager bitt elo en direkten Zougang zu alle wichtege Verzeechnisser, a Verzeechnisser déi u spezifesch Schouljoer gebonne sinn kënnen elo automatesch generéiert ginn.

Wanns du Member vu méi wéi enger Virtueller Klass bass, da kanns du elo och eng Haapt-Klass uginn, déi dann ëmmer iwwer däi Benotzermenü erreechbar ass.

Déi ganz Virtuell Klass gouf och nach weider fir Tablets a Smartphones optimiséiert.

Vill Spaass mam Update!
Deng Equipe vum Oli