oli.education.lu e-Learning Platform News

Choo Choo Choo Choo Choooo! Mat der neier "Rechenzich" App gett et elo eng weider flott Méiglechkeet, Additioun a Subtraktioun ze üben. D'App eegent sech fir all Schüler vum C1 bis zum C4.

Den Trick besteet doran, dass all Waggon vum Zuch d'Resultat vun deenen 2 Waggons virdrun ass. Esou ginn d'Zuelen vu Waggon zu Waggon méi grouss, wat zu vill Variatioun beim Rechne féiert. Bei enger Subtraktioun muss een d'Waggons zréckrechnen.

Mat der Rechenzich App kann een Aarbechtsblieder drécken, et kann een awer och direkt online üben oder souguer Exercicer configuréieren a späicheren.

Online Exercicer ginn direkt um Schierm verbessert, beim Drécke vun Aarbechtsblieder gëtt och e Korrekturblat generéiert. Wann een als Enseignant en Exercice späichert, kann een d'Resultater vun de SchülerInnen duerno a senger Virtueller Klass gesinn.

Wéi gewinnt bitt d'App eng ganz Rei Astellungsméiglechkeeten, sou kann een den Zueleraum fräi wielen (och Kommazuelen), Additioun an / oder Subtraktioun als Optioun huelen, et kann een d'Unzuel vu Waggons auswielen, an et kann een als Optioun wielen dass och eidel Waggons tëscht den Zuele virkommen, déi de Computer generéiert.

Déi nei App fënns de hei:

https://ssl.education.lu/​oli/​lu/​elearning/​-​/​math_​trains/​

Vill Spaass domat wënscht

Deng Equipe vum Oli

Mat der neier App kann een elo Aarbechtsblieder ausdrécken fir Wénkele moossen an zeechnen ze léieren. D'App eegent sech fir all Schüler vum C3 bis zum C4, an eventuell och fir Schüler am Lycée.

Wéi gewinnt bitt d'App eng ganz Rei Astellungsméiglechkeeten, sou kann een d'Type vun de Wénkele wielen (recht, spatz, gestreckt, stomp, iwwerstomp, ...), d'Präzisioun fir ze moossen an ze zeechnen (1°, 5°, 10°, ...) an d'Unzuel (an domat och d'Gréisst) vun den Aufgaben pro Blat (12 oder 6).

Et kann ee wielen ob d'Schüler moossen, zeechnen, oder béides maache sollen. Am Hannergrond kann een e 5 mm Raster printe loossen, an et kann een och Hëllefslinnen uweise loossen.

Déi nei App fënns de hei:

https://ssl.education.lu/​oli/​lu/​elearning/​-​/​angles/​

Vill Spaass domat wënscht

Deng Equipe vum Oli

Mat der neier App kann een elo Aarbechtsblieder ausdrécken fir Strecken moossen an zeechnen ze léieren. D'App eegent sech fir all Schüler vum C2 bis zum C4, an eventuell och fir Schüler am Lycée.

Wéi gewinnt bitt d'App eng ganz Rei Astellungsméiglechkeeten, sou kann een d'Längt vun de Strecke wielen (bis 16 cm), d'Präzisoun beim Moossen an Zeechnen (1 cm, 0.5 cm oder 1 mm), souwéi d'Eenheet (cm an/oder mm).

Et kann ee Blieder printe fir ze moossen, fir ze zeechnen, oder béides zesummen. Am Hannergrond kann een e 5 mm Raster printe loossen, a beim Zeechnen kann den Ufank vun der Streck optional virgezeechent ginn.

Opgepasst! Leider ass et bei ville Printer esou, dass Blieder net an der richteger Gréisst ausgedréckt ginn, oft gi Blieder liicht verklengert. Et kann dofir sinn, dass ee beim Printen e bësse probéiere muss, bis een déi richteg Astellung fonnt huet, heiansdos muss een och einfach mat e bësse méi wéi 100% Gréisst ausdrécken.

Déi nei App fënns de hei:

https://ssl.education.lu/​oli/​lu/​elearning/​-​/​measure/​

Vill Spaass domat wënscht

Deng Equipe vum Oli

Vun elo un kënne SchülerInnen an Enseignanten an hire Lëschten (Wortschätz, Vokabelen, etc) net nëmmen d'Biller aus dem Bildwierderbuch notzen, mee och eege Biller a Fotoen zu all Wuert eroplueden. Dat funktionnéiert souwuel bei eegene Lëschten, wéi och bei Lëschten, déi an der Virtueller Klass publizéiert a mat de Schüler gedeelt ginn.

Seng eege Biller gesäit ee net nëmmen online, et kann een se och printen, an et kann een se an de Sproochen-Apps notzen (Aarbechtsblieder an Online-Exercicer), andeems een einfach déi passend Lëscht auswielt.

Vill Spaass mam neien Update wënscht

Deng Equipe vum Oli