Schnelle Start mam Oli.education.lu

Aktuell schaffe ganz vill SchülerInnen an Enseignanten mam Oli.education.lu fir iwwer d'Plattform Aufgaben ze geréieren, virun allem well déi normal Coursen an de Schoule wéinst dem Covid-19 ausfalen.
Falls du solls Froen oder Problemer hunn, da schéck eis w.e.g. e Message iwwer de Quick Help, oder schreif e Mail un de Support.
Lies awer w.e.g. onbedingt fir d'éischt dës Säit duerch, iers de un eise Support schreifs, nëmme sou kënne mer sëcherstellen dass de Support net iwwerlaascht gëtt !!!

Aarbechtsblieder & Online-Exercicer

  • Um Oli kanns du individualiséiert Aarbechtsblieder an Online-Übunge generéieren, méi Infos ginn et hei:
Léier-Apps

Fir Enseignanten

  • Wann s du deng Virtuell Klass fir d'éischt benotz, da wiel w.e.g. deng perséinlech Klass ("Klass Virnumm NUMM"), a NET deng Klass mam Scolaria-Code. Deng SchülerInne kënnen dono aus dem Scolaria an deng perséinlech Klass importéiert ginn.
  • Wann dir en Team sidd, da mell dech w.e.g. iwwer Quick Help bei eis, mir riichten dann eng Team-Klass fir iech an. Denkt drun, aus d'IAM Usernames vun allen Enseignanten aus dem Team ze schécken.
  • Wann s du riets an denger Klasse-Lëscht zevill Klassen oder net déi richteg Klasse fënns, da start w.e.g. de Klassen-Assistent. Géi direkt nom Login riets ënnert der Klasselëscht op "Klasse geréieren", duerno bei "Klassen-Assistent" op "start" klicken. Wann den Assistent däi Problem net behiewt, da mell dech via Quick Help bei eis.
  • Wann s du deng nei Klass fir d'éischt benotz, da geet och eng Assistent op. Direkt nom Start vum Assistent kanns du och deng Scolaria Klass wielen. Falls déi net do sollt sinn, oder falls deng SchülerInne net importéiert sollte ginn, da mell dech via Quick Help bei eis.
  • SchülerInnen an Enseignanten vun denger Klass fënns de an denger Virtueller Klass am "Klassebuch" ënner "Klass". Hei kanns de och SchülerInnen an Enseignante bäimaachen oder läschen.
  • Wa SchülerInnen deng Virtuell Klass benotze sollen, da brauchen se en IAM Passwuert. Als Enseignant kanns de hei klicken fir déi unzefroen.
  • Wann s du denge SchülerInne wëlls Aufgaben iwwer den Oli ginn, da ginn et verschidde Méiglechkeeten. Wann s du nei um Oli bass, da proposéiere mir dat hei, well et am einfachste fir de Start ass:
    • Maach e Wocheplang, a setz d'Aufgaben do dran. Hei kanns de och PDF Dokumenter pro Aufgab bäimaachen, an du kanns en Tracking maachen wou deng SchülerInne mat den Aufgaben dru sinn. E Wocheplang ka natierlech och fir méi Woche gëllen.
    • Benotz däi Klasse-Blog, fir News fir deng SchülerInnen ze posten. Hei kanns de och PDF Dokumenter, Biller a Filmer pro News-Post eroplueden, et gëtt awer keen Tracking.
    • Benotz d'Funktioun "Hausaufgaben" am Klassebuch. Do kanns de momentan nach keng PDF Dokumenter bäisetzen, dat ass awer gefrot ginn, mit schaffen drun!
    • Enner "Texter" kënne SchülerInnen Texter schreiwen. Als Enseignant kanns du déi Texter da verbesseren, iwwerschaffen, oder z.B. Wierder markéieren.
    • Du kanns Aarbechtsblieder generéieren an se dann an deng Virtuell Klass oder souguer direkt an de Wocheplang späicheren. Dat geet iwwer d'Funktioun "späicheren" bei den E-Learning Apps. Verbesserunge landen automatesch am Dossier fir d'Enseiganten.
    • Den Tracking vun Online-Exercicer geet nach net. Dat sollt eréischt fir d'nächst Schouljoer kommen, mir kënne net garantéiern dat elo an deene nächste Wochen ze packen. Mir maachen eist Bescht!!!
  • Wann s de Aufgabe wëlls online ginn an de Progrès vun deng Aufgaben och "tracke" wëlls, da benotz als Ufänger w.e.g. e "Wocheplang".
  • Du kanns natierlech och einfach Aarbechtsblieder generéieren an se denge SchülerInnen dann als PDF mailen.
  • Weider Infos zum Start als Enseignant op Oli.education.lu fënns de hei:
    https://ssl.education.lu/oli/lu/cgi-bin/local/perl/school/index_cgie.pl?mode=help&help=start
  • Weider Detailer zur Virtueller Klass fënns de hei:
    https://ssl.education.lu/oli/lu/cgi-bin/local/perl/school/index_cgie.pl?mode=help&help=virclass

IAM Passwierder

  • Du bass Enseignant an du weess net wéi een d'Schüler-Passwierder kritt?
  • Du bass SchülerIn, Mamm oder Papp an du hues nach keen IAM Passwuert?
IAM Hëllef

Fir SchülerInnen

  • Elteren a SchülerInne kënne mam Oli Aarbechtsblieder fir doheem generéieren an erausdrécken, och mat Verbesserungen. Dofir brauch ee souguer kee Login.
  • SchülerInne kënnen Online-Übunge maachen, och dat geet ouni Login.
  • Fir an deng Virtuell Klass ze kommen, brauchs du en IAM Passwuert.
  • Däin IAM Passwuert kriss de vun dengem Enseignant. Falls du nach kee Passwuert hues, da schéck dengem Enseignant w.e.g. e Mail.
  • Däin Enseingant riicht deng Virtuell Klass fir dech an. Deng Enseignante kënnen hei fir dech Aufgaben eroplueden, si kënnen dir en Aarbechtsplang maachen, an du kanns hei z.B. och Texter schreiwen.
  • Benotz deng Virtuell Klass awer w.e.g. net, bis du Instruktioune vun dengem Enseignant kritt hues.
  • Um Oli kanns du dech mat anere SchülerInnen austauschen. Dat heescht awer och, dass du dech hei behuele muss, du däerfs also keng Dommheeten oder Frechheete schreiwen. Sidd fei matteneen an dëse schwieregen Zäiten, an hëlleft iech géigesäiteg.
  • Weider Infos zum Start als SchülerIn op Oli.education.lu fënns de hei:
    https://ssl.education.lu/oli/lu/cgi-bin/local/perl/school/index_cgie.pl?mode=help&help=start