Analog Spiller gestalten

Kontext / Contexte

Spiller sinn haut vill méi wéi just Zäitverdreif. Och an der Klass fannen se ëmmer méi hier Platz. Entdeckt an dësem Workshop wéi dir d’Spill an ärer Klass asetze kënnt a wéi een ouni vill Opwand a Material en einfacht Spill plangt an entwéckelt.

Zielsetzung / Objectifs

D'Participanten kennen:
- Definitioun vum Spill am pedagogeschen Kontext
- den Ënnerscheed tëscht Gamification a Game-based learning
- den Opbau vun engem einfachen Spill
- Notiounen vun der Entwécklung vum eegene Spill.

D' Participante kënnen:
- Spiller sënnvoll an den Unterrecht integréieren
- bestoend Spiller fir den Asaz an der Klass adaptéieren
- e Spill entwéckelen.

D’Participanten:
- erkennen d’Spiller als Léierformen un
- sinn oppe fir nei Weeër fir ze léieren auszeprobéieren
- reflektéieren hir Medienaktivitéiten op Basis vum Mediekompass.

Inhalt / Contenu

No engem kuerzen theoreteschen Input ronderëm d’Spill an zu de Chance vum Spill am pedagogesche Kontext, wäerte mer a ganz konkrete Workshops ausprobéiere wéi bestoend Spiller kënnen adaptéiert ginn a wéi een eege Spiller konzipéiere kann.

Zum Schluss wäerte mir an enger Diskussiounsronn thematiséiere wéi déi nächst konkret Schrëtt ausgesinn a wat mir mat an eise Beruffsalldag huelen.

Arbeitsformen / Approche méthodologique

- Theorieinput
- Hands-on Aktivitéiten
- Feedbackronn

Referent, Referentin / Formateur, formatrice

Sven Fournelle, I-CN
Ben Schreiner, I-CN