Klasseklima a Sozialkompetenze verbesseren duerch Musek!

Kontext / Contexte

An dëser Formatioun wëlle mir ausprobéieren, wéi mir d'Medium Musek och ausserhalb vun de Museksstonne kënnen notzen.
Musek huet d’Potenzial, fir d’Klasseklima ze verbesseren, fir Zesummenhalt an der Klass ze fërderen a fir op Sozialkompetenze vun de SchülerInnen anzewierken.

Zielsetzung / Objectifs

Wëssen

D'DeelnehmerInne kennen:
- Méiglechkeeten, fir Musek och ausserhalb vun de Museksstonnen an hirem berufflechen Alldag anzesetzen;
- d'neurologesch Wierkung vu Musek;
- d'Potenzial vu Musek zur Fërderung vun engem positive Klasseklima;
- d'Potenzial vu Musek zur Fërderung a Stäerkung vu Sozialkompetenzen.

Savoir-faire

D'DeelnehmerInne kennen:
- Musek an hierem berufflechen Alldag och ausserhalb vun de Museksstonnen asetzen fir Sozialkompetenzen ze fërderen an d’Klima an der Klass ze verbesseren;
- Instrumenter a Gesang notzen, fir de Bien-être vun de Kanner an an der Klass ze erhéijen.

Haltung

D'DeelnehmerInnen:
- erkennen d'Potenzial vu Musek, an dat iwwert d'Léiere vu Lidder/Instrumenter asw. eraus;
- gesi Musek als e kreatiivt Mëttel, fir Kanner an hire Sozialkompetenzen ze stäerken an de Bien-être an der Klass ze erhéijen;
- sinn oppe fir nei musikalesch Techniken a kreativ Weeër.

Inhalt / Contenu

- theoretescht Wëssen zur neurologescher Wierkung vu Musek
- theoretescht Wëssen zur psycho-sozialer Wierkung vu Musek
- praktescht Wëssen zum Asaz vu Musek (Stëmm, Instrumenter) - aktiv a receptiv - an der Aarbecht mat Kanner.

Arbeitsformen / Approche méthodologique

- Videoen
- Presentatioun
- praktesch Übungen
- Gruppenaarbechten
- Diskussioun
- Reflexioun

Referent, Referentin / Formateur, formatrice

Cathy Schmartz, Psychologin a Musekstherapeutin