Zesummen d'Schoul weiderentwéckelen - Virbereedung vum neie Schoulentwécklungsplang

Kontext / Contexte

Schoulentwécklungsprozess vun der Ëlwenter Grondschoul.

Zielsetzung / Objectifs

Wëssen
D'Participantë kennen:
- den Ënnerscheed tëscht alldeeglecher Unterrechtsaarbecht a strategescher Schoulentwécklungsaarbecht
- déi verschidden Etappen, déi an der strategescher Schoulentwécklungsaarbecht vu Bedeitung sinn, souwéi de Sënn dovunner (Bilan, Etat des lieux, Prioriséirung, Zilformuléirung, Detailplanung, reegelméisseg Tëschebilans)
- déi pädagogesch Grondlinne vun hirer Schoulgemeinschaft an de verschiddene Schoulentwécklungsberäicher.

Fäegkeeten
D'Participantë si capabel:
- déi aktuell Schoulentwécklungsaarbecht mat Kolleg/-innen aus anere Cyclen ze reflektéieren (Analyse vum Etat des lieux)
- aus der Analys eraus Entwécklungsfelder fir déi kommend Joeren ze identifizéieren an Emsetzungspisten ofzeleeden (Prioriséirung, Zilsetzung a Grandes lignes de réalisation).

Haltung
D'Participantën:
- bréngen déi eege Virstellungen, Erfarungen a Meenungen an
- hunn eng ko-konstruktiv Grondhaltung, sinn oppe fir ënnerschiddlech Perspektiven, Meenungen an Iddiën a gesi se als Beräicherung un
- erkennen déi partizipativ Gestaltung vu Schoulentwécklung als Gewënn fir Léierpersounen a Schüler/-innen
- iwwerhuelen zesumme Verantwortung fir d'Schoulentwécklungsaarbecht an hirer Schoul a bedeelegen sech aktiv
- striewe bei Entscheedunge Konsens un
- schaffen zesummen a fërderen de Gemeinschaftsgeescht.

Inhalt / Contenu

- Analys vum Etat des lieux
- Prioriséirung vun Entwécklungsschwéierpunkten an Ofleede vu konkreten Entwécklungspisten fir de kommenden Schoulentwécklungscycle.

Arbeitsformen / Approche méthodologique

- Input- a Präsentatiounsphasen an der Plénière
- Eenzelaarbecht
- Reflexiounsphasen a cyclegemëschte Klenggruppen
Moderatiounsmethod:
* methodesch: sammlen - verdichten - gewiichten - beaarbechten
* inhaltlech: informéieren - beroden - entscheeden.

Referent, Referentin / Formateur, formatrice

Josiane Molitor, I-DS
Françoise Reyter, I-DS
Yves Schintgen, I-CN
Véronique Schmitz, I-DS

Remarques / Anmerkung

Am Virfeld w.e.gl. den Etat des lieux nach emol duerchliesen.