Mir entwéckelen eis Schoul zesumme weider - Bestandsopnam a méiglech Entwécklungsfelder

Kontext / Contexte

D’Opstellung vum "Etat des lieux" an d’Schäerfung vu prioritären Entwécklungsfelder sinn agebett an den Ausaarbechtung-Prozess vum Schulentwécklungsplang 2024-2027.

Zielsetzung / Objectifs

Wëssen
D’Participantë/-teën kennen:
- déi verschidden Etappen, déi an der strategescher Schoulentwécklungsaarbecht vu Bedeitung sinn (Bilan, Etat des lieux, Prioriséirung, Zilformuléierung, Detailplanung, reegelméisseg Tëschebilanen), souwéi de Sënn dovunner
- déi pädagogesch Grondlinne vun hirer Schoulgemeinschaft an de verschiddene Schoulentwécklungsberäicher.

Fäegkeeten
D’Participantë/-teën si capabel:
- hir aktuell pädagogesch an organisationell Praxis mat Kolleegen/-innen aus der Schoul an ggf. mat anere Memberen vun der Schoulgemeinschaft ze beschreiwen a konstruktiv - kritesch ze reflektéieren
- léisungsorientéiert Iddien a Virstellungen ze generéieren, déi an enger gemeinsamer Visioun vun hirer Schoul zesummefléissen
- en Zykle-iwwergräifenden "roude Fuedem" a spezifeschen Themeberäicher ze erkennen oder ggf. Pisten dohinner ze entwéckelen
- aus der Analys vum Etat des Lieux eraus, Entwécklungsfelder fir déi kommend 3 Joren z’identifizéieren, ze prioriséieren an Ëmsetzungspisten ofzeleeden (Prioriséierung a Grandes lignes de réalisation).

Haltung
D’Participantë/-teën:
- sinn oppe fir ënnerschiddlech Perspektiven, Meenungen an Iddien a gesinn se als Beräicherung un
- bréngen eege Virstellungen, Erfarungen a Meenungen an
- erkennen déi participativ Gestaltung vu Schoulentwécklung als Gewënn fir Léierpersounen a Schüler/-innen
- iwwerhuelen zesumme Verantwortung fir d'Schoulentwécklungsaarbecht an hirer Schoul
- striewe bei Entscheedunge Konsens un
- schaffen zesummen a fërderen de Gemeinschaftsgeescht.

Inhalt / Contenu

- Beschreiwung a kritesch Analys vun der besteeënder Praxis an de 7 prioritäre Beräicher vum État des Lieux am Kontext wéi se am gesetzleche Kader zum PDS virgesi sinn
- Reflexioun iwwer gemeinsam Valeuren a Krittäre fir Selbstevaluatioun
- Reflexioun iwwer Ursaache vun Entwécklungen
- ganzheetleche Bléck mam Erkenne vu Musteren a méiglechen iwwergeuerdent Entwécklungsfelder
- Prioriséierung vun Entwécklungsschwéierpunkten an Ofleede vu konkreten Entwécklungsméiglechkeete fir den neie Schoulentwécklungsplang

Arbeitsformen / Approche méthodologique

- Reflexiounsphasen an Zykle-spezifeschen an Zykle-gemëschte Gruppen
- virstrukturéiert Materialien
- Visualiséierung vun de Resultater.

Referent, Referentin / Formateur, formatrice

Jil Aniset, I-CN
Claude Schmit, I-DS
Christian Schwarz, I-DS