Mätschen, Drätschen a Formen aus Leem

Kontext / Contexte

Ënnert deem selwechten Titel bidde mir zu Téiteng am Musée Ferrum e Kanneratelier fir Schoulklasse vum C1 bis C4 un. Entdeck, genee wéi d’Kanner, eise Musée, d’Artefakten zum Thema, a probéier dës ural Technik selwer aus. Am Laf vun deenen zwee leschte Jore konnte mir vill Erfarunge mat Kanner vun al Alter sammlen. Si waren all begeeschtert a voller Stolz eppes Eenzegaarteges mat hieren Hänn gestalt ze hunn. Mam Leem ka jiddereen kreativ ginn a jiddereen huet en Erfollegserliefnes. Vill Léierpersonal huet eis erzielt, datt si en Uewen an der Schoul hunn, awer kee méi esou richteg weess, wéi e genotzt gëtt. Mir weisen dir op wat’s du muss oppassen a wéi’s du ouni vill Opwand mat der Matière Leem mat denger Schoulklass schaffe kanns.

Zielsetzung / Objectifs

Wëssen:
Du kenns:
- d‘ Material a d‘Geschier wat néideg ass fir mam Leem ze schaffen. Du léiers och wat’s du selwer oder mat de Kanner Geschier maache kanns.
- déi verschidden Zorte Leem, Engoben a Glasuren a wéi’s du am Uewen däin Objet brenne kanns.
- verschidden Techniken: Daumendrocktechnik , Plackentechnik, Wulsttechnik, Ofdrocktechnik.
- déi wichteg Reegelen, déi mussen agehale ginn, fir datt den Asaz vum Leem en Erfolleg gëtt.
- vill Beispiller vu Kannerproduktiounen als Inspiratioun
- d‘ Keramik am Laf vun der Geschicht a Fondstécker an eisem Musée


Fäegkeeten:
No der Formatioun, solls du selwer mat denger Klass am Leem schaffe kënnen:
- Du weess dann, wéi d’Aarbechtsplaz vun all Schüler ausgesi soll (Geschier, Leem,..)
- Du kriss eng Idee, wéi zäitopwänneg dëst Material ass (Drëchephase, Schrühbrand, Glasur, 2. Brand)
- Du kriss Ideen, wat’s du als Thema vun der Gestaltung huele kanns oder wéi’s du d’Kanner selwer kreativ gi loosse kanns.

Haltung:
Duerch selwer probéieren op Problemer opmierksam ginn. Duerch d’selwer probéieren erausfannen, wat fir onendlech Méiglechkeeten et gi fir mat Leem kreativ ze sinn.
Wann’s du schonn Erfarunge gesammelt hues, kanns du gäre Beispiller aus denger Praxis matbréngen.

Inhalt / Contenu

1. Deel: 4 Stonnen: Material, Leemzorte a verschidden Opbautechnike kenne léieren a virun allem ausprobéieren.

2. Deel: 4 Stonnen: Glaséieren, Uewen araumen an umaachen.

Arbeitsformen / Approche méthodologique

Duerch selwer probéieren op Problemer opmierksam ginn. Duerch d’selwer probéieren erausfannen, wat fir onendlech Méiglechkeeten et gi fir mat Leem kreativ ze sinn. Wann’s du schonn Erfarunge gesammelt hues, kanns du gäre Beispiller aus denger Praxis matbréngen.

Referent, Referentin / Formateur, formatrice

Annick Sinner, Leiterin der pädagogischen Workshops im Musée Ferrum
Marc Schaack, Dr. phil., Leiter der pädagogischen Workshops im Musée Ferrum

Remarques / Anmerkung

Kleeder undoe, déi kënne knaschteg ginn. Schiedeger, Geschier, Leem hu mir am Musée.