Digital Sciences op 5e – Aféierung an d'Léiersequenze vun de sechs Themeberäicher – Axe thématique 6 & 3 : L'intelligence artificielle et la langue informatique

Kontext / Contexte

Vun der Rentrée 2022-2023 un gëtt dat neit Fach Digital Sciences an all de Lycéeën uechter d'Land agefouert. Enseignanten/-teën aus ënnerschiddleche Fächer si bereet, déi Jonk dobäi z'ënnerstëtzen an an hire Klassen digital Kompetenzen z'entwéckelen. Et geet fir d'éischt dorëm, an Inhalter a Sujeten anzeféieren, duerno déi noutwenneg technesch Capacitéiten dozou ze vermëttelen, fir dann d'Schüler/-innen duerch Reflexioun bei der Verfestegung vun hirer eegener digitaler Identitéit ze begleeden. An deem Sënn gëtt bei der Rentrée dat neit Fach an de Programm vun de 5e-Klassen vun den 18 Pilotschoulen integréiert.
Änlech wéi beim Coding am Enseignement fondamental sinn och d'Digital Sciences een neie Moment an der Schoulkarriär vun den Enseignanten/-teën. Dofir bitt dës Formatioun een detailléierten Abléck an d'Léiersequenze vun de sechs Themeberäicher vun den Digital Sciences a weist, wéi déi nei Inhalter innovativ evaluéiert gi kënnen.

Zielsetzung / Objectifs

Wëssen
D'Participantë/-teë kennen:
- den Detail vun de Léiersequenze vun den eenzelen Themeberäicher
- d'Ofgrenzung vun den Digital Sciences par Rapport zum Fach Informatik
- innovativ Methode wéi d'Léiersequenzen an de sechs Themeberäicher evaluéiert gi kënnen
- berufflech a perséinlech Capacitéiten, déi duerch d'Digital Sciences opgebaut gi kënnen.

Fäegkeeten
D'Participantë/-teë si capabel:
- d'Kompetenzen, déi am Kader vun den Digital Sciences opgebaut ginn, verstanen ze hunn an unzewennen
- dës Kompetenze par Rapport zum Kodéieren, Computational Thinking an der Mediebildung anzeuerdnen
- verstanen ze hunn, op wat et an den Digital Sciences ukënnt
- déi sechs Themeberäicher mat de Jonken ëmzesetzen
- innovativ Evaluatiounsmethoden unzewennen.

Haltung
D'Participanten/-teëm:
- reflektéieren hir Roll bei der Vermëttlung vun den dräi Pilieren "savoir", "savoir-faire" a "savoir-être"
- reflektéieren de Stellewäert vum neie Fach par Rapport zum Liewensalldag an dem Privatliewe vun de Jonken.

Inhalt / Contenu

Classe de 5e, Axe thématique 6 & 3 : L'intelligence artificielle et la langue informatique

Arbeitsformen / Approche méthodologique

- Theoreteschen Input
- Austausch am Grupp

Referent, Referentin / Formateur, formatrice

Mike Dostert, professeur, membre GT Digital Sciences SCRIPT – Division Inno
Claire Flammang, professeure, coordinatrice de projet au SCRIPT – Division Inno
Linda Hannen, LESC, membre GT Digital Sciences SCRIPT – Division Inno
Angie Schaul, LESC, membre GT Digital Sciences SCRIPT – Division Inno
Pascal Zeihen, professeur, membre GT Digital Sciences SCRIPT – Division Inno

Remarques / Anmerkung

Veuillez consulter votre espace MS Teams, le groupe de formation s’affichera au plus tard un jour avant le début de la formation. Vous ne recevrez pas de lien d'accès. Un microphone et une caméra sont indispensables pour y participer (PC ou ordinateur portable, pas d'iPad ni de smartphone (fonctionnalité limitée)). La caméra doit être allumée pendant toute la durée.