Zesummen d'Schoul weiderentwéckelen - Virbereedung vum neie Schoulentwécklungsplang

Kontext / Contexte

Workshop fir d’Schoulentwécklung vun der Schoul Tandel partizipativ zu denken. D’Theme ginn zesumme prioriséiert, fir een neit Zil fir de Schoulentwécklungsplang 2024-2027 ze formuléieren.

Zielsetzung / Objectifs

Wëssen
D'Participantë kennen:
- déi verschidden Etappen, déi an der strategescher Schoulentwécklungsaarbecht vu Bedeitung sinn (Bilan, Etat des lieux, Prioriséie, Zilformuléierung, Detailplanung, reegelméisseg Tëschebilanen)
- déi pedagogesch Grondlinne vun hirer Schoulgemeinschaft
- den Ënnerscheed tëscht alldeeglechem Unterrecht a strategescher Schoulentwécklungsaarbecht.

Fäegkeeten
D'Participantë si capabel:
- déi aktuell Schoulentwécklungsaarbecht mat Kollegen/-innen aus anere Cyclen zu reflektéieren
- aus der Analys eraus Entwécklungsfelder fir déi kommend Joren z'identifizéieren an Ëmsetzungspisten ofzeleeden (Prioriséierung & Grandes lignes de réalisation).

Haltung
D'Participantë:
- sinn oppe fir fir ënnerschiddlech Perspektiven, Meenungen an Iddie vun de Kolleegen/-innen a gesinn se als Beräicherung un
- erkennen déi participativ Gestaltung vu Schoulentwécklung als Gewënn fir d'Léierpersounen an d'Schüler/-innen
- weisen eng ko-konstruktiv Grondhaltung fir d'Schoul weiderzebréngen
- striewe bei Entscheedunge Konsens un
- iwwerhuelen zesumme Verantwortung fir d'Schoulentwécklungsaarbecht an hirer Schoul.

Inhalt / Contenu

- Virstellung vum Bilan an Etat des lieux vum aktuelle Schoulentwécklungsplang
- Analyse vum Etat des lieux
- Prioriséierung vun Entwécklungsschwéierpunkten an Ofleede vu konkrete Pisten fir de kommende Schoulentwécklungsplang 2024-2027

Arbeitsformen / Approche méthodologique

- Input- a Präsentatiounsphasen
- Analys vu prioritären Theme fir den nächsten Schoulentwécklungsplang a cyclegemëschte Gruppen
- Reflexiounsphasen a Klenggruppen
- Piste sammele fir de kommende Schoulentwécklungsplang

Moderationsmethouden
- methodesch: sammelen - verdichten - gewiichten
- inhaltlech: informéieren - beroden - entscheeden.

Referent, Referentin / Formateur, formatrice

Véronique Schmitz, Institutrice spécialisée en développement scolaire
Marc Kremer, Instituteur spécialisé en compétences numériques