Zesummen d'Schoul weiderentwéckelen - Virbereedung vum neie Schoulentwécklungsplang

Zielsetzung / Objectifs

Wëssen
D'Participantë/-teë kennen:
- den Ënnerscheed tëscht alldeeglecher Unterrechtsaarbecht a strategescher Schoulentwécklungsaarbecht
- déi verschidden Etappen, déi an der strategescher Schoulentwécklungsaarbecht vu Bedeitung sinn (Bilan, Etat des lieux, Prioriséirung, Zilformuléirung, Detailplanung, reegelméisseg Tëschebilanen), souwéi de Sënn dovunner
- déi pädagogesch Grondlinne vun hirer Schoulgemeinschaft an de verschiddene Schoulentwécklungsberäicher.

Fäegkeeten
D'Participantë/-teë si capabel:
- d'Schoulentwécklungsaarbecht vun de leschten dräi Joer z’auto-evaluéieren (Bilan)
- déi aktuell Schoulentwécklungsaarbecht mat Kolleegen/-innen aus anere Cyclen ze reflektéieren (Analys vum Etat des lieux)
- aus der Analys eraus Entwécklungsfelder fir déi kommend Joren z’identifizéieren an Ëmsetzungspisten ofzeleeden (Prioriséirung a Grandes lignes de réalisation).

Haltung
D'Participanten/-teën:
- sinn oppe fir ënnerschiddlech Perspektiven, Meenungen an Iddien a gesi se als Beräicherung un
- erkennen déi partizipativ Gestaltung vu Schoulentwécklung als Gewënn fir Léierpersounen a Schüler/-innen
- iwwerhuelen zesumme Verantwortung fir d'Schoulentwécklungsaarbecht an hirer Schoul
- striewe bei Entscheedunge Konsens un
- schaffen zesummen a fërderen de Gemeinschaftsgeescht.

Inhalt / Contenu

- Bilan par cycle
- Austauschmaart vun den Enseignantë/-teë vun den Cyclen 1-4 zu den Themen "Beweegt Léieren", "Gesonde Liewensstil", "Respektvollen Ëmgang mat Ressourcen" an "Schoulsite", déi am Kader vum Schoulentwécklungsplang 2021-2024 ëmgesat goufen. Dës schoulintern a kolleegial Impulser si gekoppelt mam kolleegialen Austausch an erméiglechen et sech aktiv mat den Theme vun der Schoulentwécklung ausenanerzesetzen
- Bilan global et conclusions.

Arbeitsformen / Approche méthodologique

- Kuerz Plénière-Momenter
- Brainstorming mat der "Think-Share"-Method
- Reflexiounsphasen a cyclegemëschte Klenggruppen
- Moderatiounsmethod:
* methodesch: sammelen - verdichten - gewiichten - beaarbechten
* inhaltlech: informéieren - beroden - entscheeden.

Referent, Referentin / Formateur, formatrice

Françoise Reyter, I-DS
Michel Thilgen, I-CN

Remarques / Anmerkung

D'Participantë/-teë, déi Material vun hiren Aktivitéite weisen, sollen déi am Hall oder engem Klassesall um 1. Stack vun der Schoul ausstellen.