De schoulinterne SharePoint vun der Schoul "An der Dällt"

Kontext / Contexte

Dës Formatioun riicht sech un all Enseignanten aus der Schoul "An der Dällt" Schuttrange, déi gäre mam SharePoint schaffe wëllen. Mir wäerten déi wichtegst Funktiounen diskutéieren, wéi z.B. d’Rop- an d’Roflueden, d’Organiséieren, d’Deelen an d‘Editéiere vun Dateien.

Zielsetzung / Objectifs

Wëssen
D’Participante kennen:
- de schoulinterne SharePoint a seng Struktur
- Methoden, dëse SharePoint an der Unterrechtsvirbereedung, an der Zesummenaarbecht ënner Enseignanten, resp. am Unterrecht mat de Schüler/-innen, sënnvoll anzesetzen

Kënnen
D’Participanten si fäeg:
- sech an den Office 365 anzeloggen
- sech am schoulinterne SharePoint rëmzefannen
- Fichieren an Dossieren am schoulinterne SharePoint rop- an rofzelueden, ze läschen, ze organiséieren, ëmzebenennen an ze beaarbechten
- Fichieren an Dossieren am schoulinterne SharePoint mat anere Leit ze deelen
- den Accès vun Dateien/Dossieren am schoulinterne SharePoint ze geréieren
- kollaborativ mat aneren Enseignanten am SharePoint ze schaffen an ze kommunizéieren

Inhalt / Contenu

Dës Formatioun fokusséiert sech op d’Stockéieren, d’Organiséieren an op d’Strukturéiren vum kollaborative SharePoint, deen déi ganz Schoul soll benotzen. Et gëtt gewisen wéi een Dateien/Dossieren mat anere Leit op verschidden Art a Weisen deelen an den Accès dovu geréiere kann.
Zil vun dëser Formatioun ass, dass, duerch d’Notzung vum SharePoint, d‘Equipe méi staark kommunizéiert an zesummen um Etabléieren a Geréieren vun engem Stock u Léiermaterial a vun enger Mediathéik schafft, dat ganzt op enger Plattform déi schouleegen an -intern opgebaut gouf. Dësen interaktive Workshop soll de Participanten erméiglechen, kuerzfristeg no der Formatioun dat Geléiert an d’Praxis ëmzesetzen a kollaborativ um Sharepoint ze schaffen.

Arbeitsformen / Approche méthodologique

- Präsentatioun an Demonstratioun
- praktesch Aarbechten
- Diskussioun

Referent, Referentin / Formateur, formatrice

Sid Mysore, Edutec

Remarques / Anmerkung

De Participant muss säi Login fir den Office 365 kennen.