Déi nei Orthografiesreform aus dem Joer 2019 am Lëtzebuergeschen: E graffen Iwwerbléck iwwert d'Ännerungen

Kontext / Contexte

Am November 2019 gouf et eng Aktualiséierung vum Reegelwierk vun der Lëtzebuerger Orthografie. An dëser Formatioun soll e kuerzen Iwwerbléck gi ginn, wat konkret geännert huet.

Zielsetzung / Objectifs

Wëssen
D'Participantë/-teë kennen:
- déi nei Ännerungen, déi a Kraaft getruede sinn
- iwwerflächlech Erklärungen, wisou déi nei Orthografie esou ugewannt gëtt.

Fäegkeeten
D'Participantë/-teë si capabel:
- déi nei Lëtzebuerger Orthografie ze benotzen an ëmzesetzen
- an engem Reegelwierk séier nozeschloen.

Haltung
D'Participantë/-teë :
- si bereet, bei interaktive Methode matzemaachen
- sinn an der Lag, kritesch Froen ze stellen.

Inhalt / Contenu

Et gëtt en Iwwerbléck gewisen, wat d'Ännerunge vun der Lëtzebuerger Orthografie betrëfft. Dës betrëfft d'Vokaler, d'Konsonanten, d'n-Reegel, d'Verben, d'Friemwierder, d'Getrennt- an Zesummeschreiwung, d'Grouss- a Klengschreiwung an d'Interpunktioun.

Arbeitsformen / Approche méthodologique

Déi eenzel Ännerunge gi kuerz virgestallt a mat Hëllef vu konkrete Beispiller erkläert. Mat Hëllef vun Exercicer sollen déi eenzel Ännerungen trainéiert ginn.

Referent, Referentin / Formateur, formatrice

Sascha Plévin. professeur d'allemand et de luxembourgeois, Miami University Luxembourg

Remarques / Anmerkung

D'Participantë/-teë brauchen e Smartphone oder eng Tablette, well mat interaktive digitale Medien ewéi Kahoot, Mentimeter asw. geschafft gëtt. D'Participantë/-teë solle minimal Kenntnësser iwwer déi al Lëtzebuerger Orthografie hunn, well an dëser Formatioun just op d'Ännerungen agaange gëtt. Dës Formatioun ass keng Aféierung an déi allgemeng Lëtzebuerger Orthografie.