Grondschoulbibliothéiken : Echange - Suite - Walferdange

Kontext / Contexte

No 2 Treffen am Fréijoer 2023, déi den Ufank vun engem konkreten Echange tëscht Schoulbibliothecairen aus der Grondschoul waren, geet et drëm dësen Austausch weiderzeféieren an nohalteg ze gestalten.
Duerfir sënn 3 Treffe vu Schoulbibliothecairen am Schouljoer 2023-2024 an enger Grondschoulbibliothéik virgesinn.
• Treffen : 24.10.23 : Bibliothéiksalldag / Aarbechtsorganisatioun
• Treffen : 06.02.24 : Schoulbibliothéiksaarbecht am Cycle 1 (dëst Treffen ass zu Walfer am IFEN)
• Treffen : 23.05.24 : Virliesen an aner Aktivitéiten
Dës Treffen sënn onofhängeg vuneneen an hu jeeweils aner Akzenter a en eegene Code. Et muss een sech also separat fir en eenzelt Treffen umellen. Et muss een sech net fir all Treffen umellen : et sicht een sech dat oder déi Treffen eraus, déi een thematesch intresséieren.
Intresséiert Schoulbibliothecairë kënnen an dësem Echangegrupp e (regelméissegen) Austausch zu Theemen, Froen an Iddien ronderëm de Fonctionnement vu Schoulbibliothéiken hunn.
Et ginn Treffen en presentiel, mee et kënnt och zu enger Austauschplattform op Moodle.

Zielsetzung / Objectifs

Savoirs
D'Particpant/e/n kennen :
- d'Realitéit vun hirer Schoulbibliothéik
- hir Besoine fir Ënnerstëtzung als Schoulbibliothecaire
- flott Approchen an Iddien aus aner Schoulbibliothéiken.


Savoir-faire
D'Participant/e/n kënnen :
- sech iwwert hir Besoinen austauschen
- Léisungen an Approchen aus aner Kontexter op hir Schoulbibliothéik iwwerdroen.


Attitudes
D'Participanten sollen :
- oppe sinn, hir Froen, Besoinen a Léisungsvirschléi ze deelen
- bereet sinn, oppen an ouni Jugement Iddie mat aner Schoulbibliothecaire auszetauschen
- gewëllt sinn, sech gemeinsam a länger dem Thema Schoulbibliothéik ze widmen.

Inhalt / Contenu

Als Suite vum Schoulbibliothéiksdag vun 2022 an den Echangetreffen vum Fréijoer 2023 geet et drëm, en dauerhaften Echange tëscht Grondschoulbibliothéiken a - bibliothecairen opzebauen.
Dëst Treffen de 06.02.24 zu Walfer am IFEN ass 1 vun 3 méiglechen Treffen.
D’Haaptthema ass : Schoulbibliothéiksaarbecht am Cycle 1

Global geet et drëm, Besoinen ze definéieren, gutt Iddien auszetauschen a praktesch Léisungen ze fannen.
D'Schoulbibliothecaire sollen duerch den Austausch eng Hëllef fir hir Aarbecht um Terrain hunn.
Et geet ëm e bessert Verständnis an eng Optimiséierung vun der Tâche vum Schoulbibliothecaire.

Resultater aus dem Echange sollen duerno allgemeng de Grondschoulbibliothéiken zougänglech gemaach ginn an hinnen notzen.

Arbeitsformen / Approche méthodologique

- Diskussion an Echange tëscht Participant/e/n
- Presentatioun vun der jeeweileger Schoulbibliothéik, déi Gastgeber fir d'Echangetreffen ass
- Ausbau vun der Moodleplattform (vum Schoulbibliothéiksdag) an Echange
- regelméisseg Treffen (2-3 x d'Joer) jeeweils an enger anerer Schoulbibliothéik

Referent, Referentin / Formateur, formatrice

Anne Biesdorf, institutrice EF, SCRIPT
Anne-Marie Antony, bibliothécaire-documentaliste, SCRIPT

Remarques / Anmerkung

Wgl. nëmmen 1 Participant pro Schoulbibliothéik fir datt vill Schoule kënne matmaachen.

Nodeems dir d'Confirmatioun mam Moodle Link geschéckt kritt hutt, biede mir Iech, fir den Oflaf vum Nomëtteg no Äre Wënsch gestalten ze kënne d'Froen am Moodle wgl. bis den 29.01.2024 ëm 20 Auer ze beäntweren.

Héi nach e mol d' Froen:
• Wat sinn Är Erwaardungen un dësen Austausch-Moment fir de Cycle 1
• Wéi eng Theemen oder Froen/Léisungen wëllt Dir matbréngen/diskutéieren?
• Huet Dir Beispiller aus der Praxis, déi Dir wëllt virstellen?