Orientatiounsprozess am Cycle 1 iwwert d’Alphabetiséierung op Franséisch oder Däitsch

Kontext / Contexte

Wéi begleeden ech als Enseignant/e d’Schüler/-innen an hir Elteren/Bezuchspersounen an hirem Choix vun der Alphabetiséierung op Franséisch oder Däitsch. Gespréichsgrondlagen mat Kriterienopstellung fir déi eng oder aner Optioun.

Zielsetzung / Objectifs

Wëssen
D’Participante kennen:
- d‘Kriterien, déi de Choix fir d’Alphabetiséierung op Däitsch oder Franséisch bestëmmen
- d’Individualitéit an d‘Komplexitéit vun de verschiddene méisproochege Situatiounen.

Fäegkeeten
Participante kënnen d’Schülerinnen a Schüler, zesumme mat hiren Elteren / Bezuchspersounen um Wee an de C2 an déi Optioun begleeden, déi hirem méisproochege Profil entsprécht.

Haltung
Participante deelen a reflektéieren hir eegen Erfarungen.

Inhalt / Contenu

D’Léierpersonal am C1 huet déi schwiereg Aufgab, zesumme mat den Elteren / Bezuchspersounen, d’SaS an déi eng oder aner Optioun ze orientéieren.
An dëser Formatioun geet et drëm :
- Sprooche jee no Famill an Typologie anzeuerdnen
- d’Méisproochegkeet vun de SaS an hirer Individualitéit a ganz oft ganz grousser Komplexitéit ze diskutéieren
- objektiv Kriterien ze diskutéieren, déi de Choix fir déi eng oder aner Optioun ze argumentéieren, besonnesch fir déi SaS, deenen hir staark Sprooch weder germanesch nach romanesch Originnen huet an / oder an engem komplexe méisproochegen Ëmfeld opwuessen
- Grondlage vum Orientéierungsgespréich mat den Elteren / Bezuchspersounen ze reflektéieren.

Arbeitsformen / Approche méthodologique

- Input
- Beispiller
- Diskussioun.

Referent, Referentin / Formateur, formatrice

Michèle Lorang, Dr phil, professeure au Centre de Logopédie