Kick-off MATHI fir d'Zyklen 1 bis 4: Nei Schoulbicher a Materialkëschte fir Mathematik zu Lëtzebuerg ze léieren

Kontext / Contexte

Mir si frou, Iech op de MATHI-Kick-off am Forum Geesseknäppchen ze invitéieren, ee Projet, deen zu Lëtzebuerg fir d'Schülerinnen a Schüler an d'Léierpersonal aus de Lëtzebuerger Schoulen entwéckelt ginn ass. MATHI ass een neit, a senger Kontinuitéit spiralesch opbauend Konzept fir d'Léiere vun der Mathé an den Zyklen 1 bis 4 vun der Grondschoul am Laf vun deenen nächste Joren nei ze denken.

Zielsetzung / Objectifs

D'MATHI-Konzept lieft souwuel am Klassesall wéi och doriwwer eraus. Et gräift den eenzegaartege, méisproochege Kontext vun de Lëtzebuerger Schoulen op a bitt eng innovativ Approche, déi sech un d'Bedierfnesser vun de Schülerinnen a Schüler upasst. Des Weideren huet d'Material vum MATHI d'Ambitioun, d'Léierpersonal esou vill wéi méiglech am Alldag ze ënnerstëtzen, fir datt méi Zäit fir d'Aarbecht mat de Schüler zur Verfügung steet.

Um Kick-off gi follgend Aspekter vum Projet beliicht:
- Didaktesch a pedagogesch Innovatioune vum MATHI-Konzept
- MATHI an eis sproochlech Diversitéit zu Lëtzebuerg
- Presentatioun vum komplette MATHI-Package:
- Classeur & Materialkëschte fir den Zyklus 1, déi am Summer 2024 erauskommen
- Virstellung vum Formatiounsangebot fir d'Léierpersonal vum Zyklus 1 fir 2024/25
- Virstellung vun der Zäitschinn fir d'Erschénge vun de Materialie fir d'Zyklen 2 bis 4
- Ausprobéiere vun ausgewielte Materialien.

Inhalt / Contenu

Oflaf vum Kick-off:
14:30 bis 15:00: Arrivée an Aschreiwung vun de Participanten
15:00 bis 15:15: Begréissung duerch den Här Minister Claude Meisch
15:15 bis 15:45: Keynote vun de Professere Christiane Benz a Sebastian Wartha
15:45 bis 16:00: Presentatioun an zousätzlech Informatiounen zu de Materialie fir d'Zyklen 1 bis 4 an déi respektiv Zäitschinn
16:00 bis 17:30: Foire mat der Virstellung vun ausgewielten Aktivitéiten a Materialien & informellen Austausch

Arbeitsformen / Approche méthodologique

- Präsentatioun & Froeronn
- Foire & informellen Austausch

Referent, Referentin / Formateur, formatrice

Keynote:
- Prof. Dr. Christiane Benz, Institut fir Mathematik, Pedagogesch Héichschoul Karlsruhe
- Prof. Dr. Sebastian Wartha, Direkter vum Zentrum fir Rechestéierungen, Institut fir Mathematik, Pedagogesch Héichschoul Karlsruhe

Weider Interventiounen:
- Frauke Kesting, Dokter an der Pedagogik, SCRIPT
- Nathalie Gales, SCRIPT
- Filipe Lima, SCRIPT

Remarques / Anmerkung

Une partie de l'événement sera filmée.
Les participants devront se garer au P&R Bouillon: https://map.geoportail.lu/theme/main?fid=152_061E01170005500_208_61