An de Kulisse vum Lëtzebuerger Online Dictionnaire

Kontext / Contexte

All Dag benotzen Dausende vu Leit de Lëtzebuerger Online Dictionnaire (LOD) vum Zenter fir d’Lëtzebuerger Sprooch (ZLS) : 2021 goufe fir d’éischt méi ewéi 10 Milliounen Artikelen an engem Joer gekuckt. Vill Leit stellen sech Froen iwwer dee beléiften Outil, déi an dëser Formatioun beäntwert ginn.

Zielsetzung / Objectifs

Wëssen
D'Participantë/-teë kennen:
- den Opbau an de Fonctionnement vum LOD
- seng Entsteeungsgeschicht an engem eenzegaartege méisproochege Kontext
- d’Ekipp, déi hanner dem Dictionnaire stécht
- de Workflow, vun der Auswiel vun de Wierder bis zum fäerdegen Artikel
- d’Toolen an d’Dokumentatioun, déi agesat ginn, notamment de LuxText-Korpus
- déi aner wichteg Lëtzebuerger Dictionnairen.

Fäegkeeten
D'Participantë/-teë si capabel:
- ze erkennen, op wéi eng Froen den LOD kann eng Äntwert ginn (an op wéi eng net!)
- den LOD méi effikass am (professionellen a privaten) Alldag anzesetzen
- den Ënnerscheed ze maachen tëschent de verschiddenen Typpe vun Dictionnairen.

Haltung
D'Participantë/-teë kënnen:
- den LOD anuerdnen an der ganzer lexikografescher Offer
- verstoen, datt Kompromisser néideg si beim Ausschaffe vun engem Dictionnaire
- bei Froen ouni Hemmunge mat der LOD-Ekipp a Kontakt trieden.

Inhalt / Contenu

- Zilpublikum a Funktionalitéite vum LOD
- Historique, linguisteschen a lexikografesche Kontext
- Ekipp, Workflow, Dokumentatioun, Toolen
- Technesche Volet.

Arbeitsformen / Approche méthodologique

- Presentatioun vum Internet-Site lod.lu
- Eegen Exploratioun vum Site (fräi a guidéiert)
- Theoreeteschen Deel (Powerpoint)
- Froen an Äntwerten
- Exklusiv: e Bléck an déi fonkelnei Versioun vum Lëtzebuerger Online Dictionnaire, éier se fir de Grand public online geet: ganz neien Design, erweidert Sich, a villes méi!

Referent, Referentin / Formateur, formatrice

Alexandre Ecker, Master en lexicographie, Lexicographe LOD/ZLS