Genderrepresentatiounen an de Schoulbicher: Eng Analys zu Lëtzebuerg

Kontext / Contexte

D'Kanner sinn an der Schoul ganz dacks mat Schoulbicher konfrontéiert. Niewent hirer pedagogescher Roll, droen d'Schoulbicher och zu der Sozialisatioun bäi a vermëttele Valeuren, ënner anerem Valeure vun der Egalitéit tëschent de Geschlechter.

Zielsetzung / Objectifs

Wëssen
D'Participantë/-teë kennen:
- d'Resultater vun der Etüd iwwert d'Genderrepresentatiounen an de Schoulbicher
- d'Effekter vu Stereotyppen op d'Entwécklung vum Kand.

Fäegkeeten
D'Participantë/-teë si capabel:
- Stereotyppen an de Schoulbicher z'identifizéieren
- déi pedagogesch Praxis kritesch z'analyséieren.

Haltung
D'Participantë/-teë positionéiere sech par Rapport zu den Genderrepresentatiounen an de Schoulbicher zu Lëtzebuerg.

Inhalt / Contenu

Mir presentéieren d'Resultater vun der Etüd, déi zu Lëtzebuerg 2020 duerchgefouert gouf a vum Ministère de l'égalité entre les Femmes et les Hommes finanzéiert gouf.

Mir ginn eng Äntwert op folgend Froen:
- Wéi dacks gi weiblech a männlech Persounen an de Schoulbicher vum Enseignement fondamental zu Lëtzebuerg representéiert?
- Gëtt et Stereotyppen an de Schoulbicher?
- Bei wéi engen Aktivitéiten si weiblech a männlech Persounen an de Bicher ze fannen (Hobbyen, Aktivitéiten am Haus, Beruffer)?

Mir stellen d'Resultater vir a proposéiere Piste fir d'Egalitéit tëschent de Geschlechter an de Schoulbicher an an der pedagogescher Praxis ze garantéieren.

Arbeitsformen / Approche méthodologique

Konferenz mat Diskussioun.

Referent, Referentin / Formateur, formatrice

Sylvie Kerger, Dr., psychologue, enseignante-chercheuse à l'Université du Luxembourg
Laurence Brasseur, Dr., experte en matière culturelle

Remarques / Anmerkung

Evenement ënnert de Konditioune vum CovidCheck (3G) an / oder adaptéiert un déi Mesuren, déi dee Moment gëllen.