Online: PLC fir MathemaTIC (Professional Learning Community fir MathemaTIC)

Kontext / Contexte

MathemaTIC ass en Environnement an deem sech Schüler interaktiv an autonom mathematesch Kenntnisser uneegnen an trainéieren. Di ugebueden Aufgaben passen zum Lëtzebuerger "Plan d'études".
PLC fir MathemaTIC bitt Iech Tools un fir effizient als Équipe an Ärer Schoul ze schaffen. Duerch dëse Programm eegent dir Iech Kollaboratiouns-Kompetenze un, déi eng efficace Team-Aarbecht mat Äre Kollegen an Ärem Zyklus erméiglechen. De Programm weist Iech och praktesch Uwennungen vun der digitaler Léierplattform MathemaTIC a wéi Dir digital Tools an Ärem Schoulalldag integréiere kënnt.

Zielsetzung / Objectifs

Savoirs
Les participant/e/s connaissent:
- wat eng Professional Learning Community (PLC) (professionell Léiergemeinschaft) ausmécht
- asetze vun Techniken fir produktiv mat KollegInnen mat MathemaTIC zesummen ze schaffen an sech op dem Wee als eenzelen Enseignant an als Équipe (pédagogique) weider ze entwéckelen
- praktesch Uwennungen vun der digitaler Léierplattform MathemaTIC


Savoir-faire
Les participant/e/s sont capables de:
- uwenne vum PLC- Konzept op déi eegen Aarbecht
- erkenne wéi eng Itemer vun der Léierplattform MathemaTIC den eenzele Schüler beim Léieren am beschten ënnerstëtzen
- digital Léiermëttel (MathemaTIC) am Unterrecht asetzen.


Attitudes
Les participant/e/s sont amené/e/s à:
- firwat eng professionell Léiergemeinschaft nëtzlech fir déi eegen Aarbecht an der eegener Schoul ka sinn
- Grondverständnes vun der Aart a Weis wéi Dir mat de KollegInnen zesumme schafft
- wéi een d'Léierplattform MathemaTIC asetzt fir doduerch d'Léiere vun de Schüler positiv ze beaflossen.

Inhalt / Contenu

PLC fir MathemaTIC familiariséiert Iech mat der elementarer an avancéierter Notzung vun der digitaler Léierplattform MathemaTIC (Ennerriichten mat MathemaTIC, Trainéieren, Differenzéieren, Individualiséieren, Remédiatioun, Projetë, Flipped Classroom, Uben, Teste, Hausaufgaben, Kreativ Notzung).

PLC fir MathemaTIC hëlleft Iech weiderhin op eng efficace Aart a Weis an Équipen zesummenzeschaffen, andeems der den innovative Programm MathemaTIC an Är Praxis aféiert.

http://mathematic.lu/plc/

Arbeitsformen / Approche méthodologique

D'Formatioun “PLC fir MathemaTIC” gëtt ausschliisslech online ugebuede. Dir kënnt Iech, jidder Zäit an no Ärem eegene Rhythmus, mat Äre KollegInnen an Ärer Schoul treffen an als Grupp un de Sessiounen deelhuelen.
Während de Sessiounen deelen d’Formateuren/tricen Texter an opgezeechent Videoë mat iech. Gläichzäiteg féiert der praktesch Aufgabe mat Äre KollegInnen duerch.
Dir hutt e permanenten Online-Zougang zum Formatiounsmaterial, datt der Iech jidderzäit ukucke kënnt.
Um Schluss vun all Sessioun muss eng Aufgab vum Grupp online agereecht ginn, an Dir kritt een op de Grupp ugepasste Feedback vun de Formateuren/tricen.
Um Schluss vun all Sessioun muss eng kleng individuell Aufgab online eropgeluede ginn.

Referent, Referentin / Formateur, formatrice

Catalina Lomos, Bildungsfuerscherin, LISER, Team MathemaTIC
Filipe Lima, Chargé de mission, Team MathemaTIC
Frauke Kesting, Docteur en pédagogie, Team MathemaTIC

Remarques / Anmerkung

D'Aschreiwung leeft iwwert dëse Link ënnert dem Punkt "Schreift iech an"
http://mathematic.lu/plc/

Fir dee gréissten Notzen aus der Formatioun ze zéien, géife mer Iech roden Iech mat Enseignanten aus Ärer Schoul zesummen anzeschreiwen (vun engem Cycle oder Cycleiwwergräifend).